نازم حیکمەت, Author at ژنەفتن https://jineftin.krd ماڵپەڕێکی هزری و کولتوورییە Sun, 11 Aug 2024 13:54:24 +0000 ckb hourly 1 https://wordpress.org/?v=6.9.4 https://jineftin.krd/wp-content/uploads/2020/08/jnaftn-logo-e1605465457630-100x100.png نازم حیکمەت, Author at ژنەفتن https://jineftin.krd 32 32 زویربوون https://jineftin.krd/2024/08/11/%d8%b2%d9%88%db%8c%d8%b1%d8%a8%d9%88%d9%88%d9%86/ Sun, 11 Aug 2024 13:54:22 +0000 https://jineftin.krd/?p=8971 ئەزانیت زویربوون چییە؟ زویربوون ڕاستگۆیییە، منداڵانەیە، هەر بۆیە هێند پاک و بێ گوناهانەیە. بێ درۆیە. زویربوون؛ “تۆم خۆشەوێ”یە. دەستبەردارنەبوونە. زویربوون باسی “من” ئەکات. زویربوون: “تووڕە بووم، بەڵام هێشتا لێرەم”ە، “ناڕۆمە”ە، “ناتوانم بڕۆم”ە. زویربوون: نازکردنە، بە نزیک بینینە، “بە نرخی بۆ من”ە. زویربوون: “خۆشەویستییەکەت بڵێ”یە، “دە ئیتر تێبگە”یە. زویربوون: ئومێدە، لە ناوبردنی “تۆ بڵێی”یەکانە، دڵنیابوونەوەیە. ئەزانی…

The post زویربوون appeared first on ژنەفتن.

]]> ئەزانیت زویربوون چییە؟

زویربوون ڕاستگۆیییە،

منداڵانەیە، هەر بۆیە هێند پاک و بێ گوناهانەیە.

بێ درۆیە.

زویربوون؛ “تۆم خۆشەوێ”یە.

دەستبەردارنەبوونە.

زویربوون باسی “من” ئەکات.

زویربوون:

“تووڕە بووم، بەڵام هێشتا لێرەم”ە،

“ناڕۆمە”ە،

“ناتوانم بڕۆم”ە.

زویربوون:

نازکردنە،

بە نزیک بینینە،

“بە نرخی بۆ من”ە.

زویربوون:

“خۆشەویستییەکەت بڵێ”یە،

“دە ئیتر تێبگە”یە.

زویربوون:

ئومێدە،

لە ناوبردنی “تۆ بڵێی”یەکانە،

دڵنیابوونەوەیە.

ئەزانی ئەمەوێ بڵێم چی:

“من زویرم لێت”!!

The post زویربوون appeared first on ژنەفتن.

]]> شیعرەکانی کاتژمێر نۆ بۆ دە https://jineftin.krd/2021/03/28/%d8%b4%db%8c%d8%b9%d8%b1%db%95%da%a9%d8%a7%d9%86%db%8c-%da%a9%d8%a7%d8%aa%da%98%d9%85%db%8e%d8%b1-%d9%86%db%86-%d8%a8%db%86-%d8%af%db%95/ https://jineftin.krd/2021/03/28/%d8%b4%db%8c%d8%b9%d8%b1%db%95%da%a9%d8%a7%d9%86%db%8c-%da%a9%d8%a7%d8%aa%da%98%d9%85%db%8e%d8%b1-%d9%86%db%86-%d8%a8%db%86-%d8%af%db%95/#comments Sun, 28 Mar 2021 09:51:49 +0000 https://jineftin.krd/?p=4440 چ شتێکی جوانە بیرهاتنەوەی تۆ؛ لە ناوەڕاستی هەواڵەکانی مەرگ و سەرکەوتندا، لە زیندان و ئەو دەمەی تەمەن لە چل لایداوە. چ شتێکی جوانە بیرهاتنەوەی تۆ؛ دەستی جێماوت لەسەر پارچە قوماشێکی شینی ئاسمانی، لەناو قژەکانیشتدا، نەرمیی خاکی بە ویقاڕی “ئیستانبوڵ”ی ئەزیزیم. بەختەوەریی ئەڤینی تۆ، چەشنی بوونی کەسی دووهەمە لە ناخمدا. بۆنی جێماوی گەڵای شەمدانی بەسەر پەنجەکانتەوە،…

The post شیعرەکانی کاتژمێر نۆ بۆ دە appeared first on ژنەفتن.

]]> چ شتێکی جوانە بیرهاتنەوەی تۆ؛

لە ناوەڕاستی هەواڵەکانی مەرگ و سەرکەوتندا،

لە زیندان و

ئەو دەمەی تەمەن لە چل لایداوە.

چ شتێکی جوانە بیرهاتنەوەی تۆ؛

دەستی جێماوت لەسەر پارچە قوماشێکی شینی ئاسمانی،

لەناو قژەکانیشتدا،

نەرمیی خاکی بە ویقاڕی “ئیستانبوڵ”ی ئەزیزیم.

بەختەوەریی ئەڤینی تۆ،

چەشنی بوونی کەسی دووهەمە لە ناخمدا.

بۆنی جێماوی گەڵای شەمدانی بەسەر پەنجەکانتەوە،

ئاسوودەییەک چەشنی خۆرەتاو و

بانگهێشتی جەستە؛

بۆ شەقارشەقارکردنی تاریکییەکی گەرمی قەترانی،

بە هێڵی سوور و زەردەوە.

چ شتێکی جوانە بیرهاتنەوەی تۆ؛

نووسین لەبارەی تۆ،

بیرکردنەوە لە تۆ،

ئەو کاتەی لە زیندان و لەسەر پشت ڕاکشاوم.

بیرهاتنەوەی وشەیەک کە فڵان رۆژ،

لە فڵان شوێنە پێتگوتووم.

نەک خۆی،

بەڵکو دونیای دەربڕینی وشەکە.

چ شتێکی جوانە بیرهاتنەوەی تۆ!

دەبێ دیسان دەست پێبکەم؛

لەسەر تەختەیەک نەخشەکارییەکت بۆ هەڵکۆڵم،

دۆڵابێک،

ئەنگوستیلەیەک…

پارچە قوماشێکی ئاوریشمی سێ مەتریشت بۆ بچنم.

یەکسەریش،

لە شوێنی خۆمەوە ڕاست ببمەوە،

بڕۆم خۆم بنووسێنم بە میلە ئاسنینییەکانی پەنجەرەکەوە و

بە ڕەنگی سپی و شینی ئازادی،

هەموو ئەو وشانەی بۆم نووسیوی،

پڕ بە گەرووم هاوارکەم و بڵێمەوە.

چ شتێکی جوانە بیرهاتنەوەی تۆ؛

لە ناو هەواڵەکانی مەرگ و سەرکەوتندا،

لە زیندان و

ئەو دەمەی تەمەن لە چل لایداوە.

٢٣ی ئەیلولی ١٩٤٥






ئاخۆ ئێستا خەریکی چی بێ؟





ئێستا، هەر ئێستاکە؟





لە ماڵەوەیە، یان لە کۆڵان





لەسەر کارە، پاڵ کەوتووە، یان لەسەر نوێن و بان؟





ڕەنگە دەستێکی بەرز کردبێتەوە،





-وای گوڵی من!





مەچەکە گۆشتن و سپییەکانی چۆن دەردەخا ئەم جوڵەیە-





ئەو ئێستا خەریکی چییە؟





هەر ئێستاکە، ئێستا؟





ڕەنگە پشیلەیەکی لە باوەشدا بێ و





نەوازشی کا.





شایەدیش، بە ڕێگاوەیە و هەنگاو هەڵدێنێتەوە؛





-ئەو هەنگاوە یەکجار شیرین و ئازیزانەی،





لە هەموو ڕۆژە سەختەکانمدا بە هەڵەداوان ئەو دەگەیەننە لای من-





ئەی ئاخۆ بیر لە چی دەکاتەوە؟





لە من؟





یان چوزانم…،





لەوەی بۆچی ئەو فاسۆلیایە بە هیچ ناکوڵێ.





یانیش بیر لەوە دەکاتەوە،





بۆچی زۆینەی مرۆڤەکانی ئەم ڕۆژگارە هێندە بێ بەختن؟





ئەو ئێستا بیر لە چی دەکاتەوە؟





هەر ئێستاکە، ئێستا، ئێستا؟





٢٤ی ئەیلولی ١٩٤٥










جوانترین دەریا؛





ئەو دەریایەیە کە هێشتا بۆی نەچووین.





جوانترین منداڵ؛





ئەو منداڵەیە کە هێشتا گەورە نەبووە.





جوانترین رۆژەکانمان؛





ئەو ڕۆژانەن کە هێشتا نەیانژیاوین.





جوانترین وشەش کە گەرەکمە بە تۆی بڵێم؛





ئەو وشەیە کە هێشتا پێم نەگووتووی.





٢٦ی ئەیلولی ١٩٤٥










دیل و ئەسیریان کردین،





خستیانینە زیندانەوە؛





من لە ناوەوەی دیوارەکان





تۆ لە دەرەوەی دیوارەکان.





کێشەیەکی بچووکە ئەوەی ئێمە،





دەردی هەرە گران ئەوە؛





مرۆڤ خۆی،





لە غەفڵەت یان بە هوشیاری،





زیندان بگوازێتەوە ناخی خۆی.





زۆرێک لە مرۆڤی ئەم رۆژگارە خراونەتە ئەم حاڵەوە؛





مرۆڤگەلێکی باش،





خەباتکار،





شەرافەتمەنــــد و





هێندەی خۆشەویستی من بۆ تۆ،





شایەنی خۆشەویستن.





٢ی ئۆکتۆبری ١٩٤٥










شنەی با هەڵی کردووە؛





هیچ لقی دار گێلاسێک، تەنانەت یەک جاری تریش بە هەمان شنەی با نالەرێتەوە.





مەلان لەسەر درەختەکان جریوەیان دێ،





باڵەکانیان مەیلی فڕینیان هەیە.





دەرگا داخراوە،





گەرەک زەختی لێ بکرێ و بکرێتەوە،





من تۆم دەوێ،





ژیانێکیش؛ وەک تۆ  جوان،





خۆشەویست و هاوڕێ.





دەزانم؛





هێشتا دوایی نەهاتووە،





میوانداری نەهامەتی و سەفالەت،





لێ بەڵام دوایی دێ. 










سەرچاوە: سەرجەم شیعرەکانی نازم حیکمەت. وەشانخانەی یاپی کرێدی- چاپی حەوتەم ٢٠١١.  ل: ٦١٧-٦٢٣.


The post شیعرەکانی کاتژمێر نۆ بۆ دە appeared first on ژنەفتن.

]]>
					
					https://jineftin.krd/2021/03/28/%d8%b4%db%8c%d8%b9%d8%b1%db%95%da%a9%d8%a7%d9%86%db%8c-%da%a9%d8%a7%d8%aa%da%98%d9%85%db%8e%d8%b1-%d9%86%db%86-%d8%a8%db%86-%d8%af%db%95/feed/
			1
		
		
			
		
		ناوی مردووەکە سەلیمە
		https://jineftin.krd/2021/01/04/%d9%86%d8%a7%d9%88%db%8c-%d9%85%d8%b1%d8%af%d9%88%d9%88%db%95%da%a9%db%95-%d8%b3%db%95%d9%84%db%8c%d9%85%db%95/
					https://jineftin.krd/2021/01/04/%d9%86%d8%a7%d9%88%db%8c-%d9%85%d8%b1%d8%af%d9%88%d9%88%db%95%da%a9%db%95-%d8%b3%db%95%d9%84%db%8c%d9%85%db%95/#respond
		
		
		Mon, 04 Jan 2021 06:36:02 +0000
				
		
		
		https://jineftin.krd/?p=3883

					چواردە سەعات، بە بیستوپێنج قرووش هەڵی نەکرد وتی پەنجا قرووش و دە سەعات کرێکارەکانی دیش هەمان بیریان هەبوو ئەڵبەت بیرێکی قووڵ و فەلسەفی نییە بەڵام بیرێکی ترسناکە لەبەر ئەوە، کوڕە بوڵگارییەکە و حیکمەت خێرا ئەم هەواڵەیان گەیاندە پۆلیس پۆلیس یەکسەر حەپسی کردن دە کەسیان بردە بەڕێوەبەرایەتی: چوار ژن، شەش پیاو ئەمانە سەرگەورەیان بوون لەگەڵ سەلیمی…


The post ناوی مردووەکە سەلیمە appeared first on ژنەفتن.

]]>
										چواردە سەعات، بە بیستوپێنج قرووش هەڵی نەکرد





وتی پەنجا قرووش و دە سەعات





کرێکارەکانی دیش هەمان بیریان هەبوو





ئەڵبەت بیرێکی قووڵ و فەلسەفی نییە





بەڵام بیرێکی ترسناکە





لەبەر ئەوە، کوڕە بوڵگارییەکە و حیکمەت





خێرا ئەم هەواڵەیان گەیاندە پۆلیس





پۆلیس یەکسەر حەپسی کردن





دە کەسیان بردە بەڕێوەبەرایەتی:





چوار ژن، شەش پیاو





ئەمانە سەرگەورەیان بوون





لەگەڵ سەلیمی کۆمونیست





گەرچی سەلیم کۆمونیست نەبوو





نەشیئەزانی کۆمونیزم چییە





ئەو تەنیا هەژدە ساڵان بوو





لەبری بیستوپێنچ قرووش داوای پەنجا قرووشی ئەکرد





لەبری چواردە سەعاتیش، دە سەعات





بەڵام پۆلیس باوەڕی بەمە نەئەکرد





سەلیمیان لەسەر زەوی پاڵ خست





کاتێ سەلیم هەڵسایەوە





قاچی زەویی نەئەگرت





سەلیمیان لەسەر زەوی پاڵ خست





کاتێ سەلیم هەڵسایەوە





بەردەمی خۆی نەئەبینی





سەلیمیان لەسەر زەوی پاڵ خست





سەلیم هەڵسا و خۆی گرمۆڵە کرد





چوونە بن هەنگڵیەوە





بردیانە ژوورێکی تاریک





بە پرچەوە هەڵیانواسییە قەد دیوار





بە شێوەیەک،





تەنیا نووکی پەنجەی قاچی بەر فەرشەکە ئەکەوت





تراموایەک بە جیڕەجیڕ بەو کۆڵانەدا تێپەڕی





لە شوێنێکی نزیک، بانگی شێوان درا





سەلیمیان لە بزمارەکە کردەوە





سەلیمیان لەسەر زەوی پاڵ خست





کاتێ سەلیم هەڵسایەوە





لە دوور، زۆر دوور، پەنجەرەیەکی بەدی کرد





پەنجەرەیەکی بێپەردە و تاریک





بەرەو ئەوێ هەڵدرا





جام شکا و وردوخاش بوو





یەکەم جار سەری مرۆڤێ دیار نەما 





ئنجا هەردوو قاچی.


The post ناوی مردووەکە سەلیمە appeared first on ژنەفتن.

]]>
					
					https://jineftin.krd/2021/01/04/%d9%86%d8%a7%d9%88%db%8c-%d9%85%d8%b1%d8%af%d9%88%d9%88%db%95%da%a9%db%95-%d8%b3%db%95%d9%84%db%8c%d9%85%db%95/feed/
			0