ده‌وروبه‌ریان ئه‌كرد،

وا ده‌رئه‌كه‌وتن به‌ چاویان شتێ بپێون، به‌ زمانیان

تامی هه‌وا و تیشكیان ئه‌كرد، حه‌زیان لێ كرد.

به‌ دڵنیاییه‌وه‌ ئه‌یانویست شتێكمان له‌ زه‌وت بكه‌ن،

قۆپچه‌ی كراسه‌كانمان توند كرد، هه‌رچه‌نده‌ [دنیا] گه‌رمیش بوو،

سه‌یری پێڵاوه‌كانمان كرد. پاشان یه‌كێ له‌ ئێمه‌

به‌ په‌نجه‌ی ئاماژه‌ی بۆ شتێ له‌ دووره‌وه‌ كرد.

ئه‌وان ئاوڕیان دایه‌وه‌.

كاتێ ئاوڕیان دایه‌وه‌، ئه‌و به‌ وریاییه‌وه‌ چه‌مایه‌وه‌،

مشتێ خۆڵی هه‌ڵگرت، له‌ گیرفانیدا شاردیه‌وه‌ و

بێباكانه‌ دوور كه‌وته‌وه‌. كه‌ بێگانه‌كان هه‌ڵگه‌ڕانه‌وه‌

كونێكی قووڵیان له‌به‌ر پێیاندا بینی،

ئه‌وان ڕۆیشتن، سه‌یری سه‌عاته‌كانیان كرد و ڕۆیشتن.

له‌ چاڵه‌كه‌دا: شمشێرێ، گوڵدانێ، ئێسكێكی سپی [هه‌بوو].

٭٭٭

سه‌رچاوه‌

Yannis Ritsos: Selected Poems, Trattslated by Nikos Stattgos, Penguin Books, First published 1974, p 42.

The post ده‌ستبه‌سه‌ردانه‌گیراو appeared first on ژنەفتن.

شه‌وان

كاتێك باران ئه‌بارێ

دێن ئه‌ماندۆزنه‌وه‌

به‌ مه‌مكه‌كانیان ته‌نیاییمان ئه‌ڕه‌وێننه‌وه‌

خۆیان داوێنه‌ پرچمان و

ئه‌یڕازێننه‌وه‌

وه‌ك فرمێسكی دره‌وشاوه‌

وه‌ك كه‌ناره‌ گه‌شاوه‌كان

وه‌ك هه‌نار.

قورینگن ئه‌و ژنانه‌ی خۆشمان ئه‌وێن

باخچه‌كانیان ته‌نها له‌ دڵی ئێمه‌دا ئه‌ژین

باڵه‌كانیان

باڵی فریشته‌ن

په‌یكه‌ری ئه‌وان جه‌سته‌ی ئێمه‌ن

ڕیزی جوانی دره‌خته‌كان هه‌ر ئه‌وانن

له‌سه‌ر پاژنه‌ وه‌ستاون

نزیك ئه‌بنه‌وه‌

كاتێك ماچمان ئه‌كه‌ن

قورینگن له‌سه‌ر چاوه‌كانمان

ده‌ریاچه‌ن ئه‌و ژنانه‌ی خۆشمان ئه‌وێن

لێوی گڕاویی ئێمه‌ فوو به‌ قامیشی ئه‌واندا ئه‌كا

باڵنده‌ نازداره‌كانی ئێمه‌ له‌ ئاوی ئه‌واندا مه‌له‌ ئه‌كا

كاتێكیش

هه‌ڵئه‌كشێن –شانازی ئه‌كه‌ن كه‌ وان-

ڕه‌نگی وان ئه‌گرن

سنه‌وبه‌ری كه‌ناری ده‌ریاچه‌كان

قیساره‌ن

كه‌ ئاوازیان خه‌مه‌كانی ناخمان ئه‌خنكێنن

كاتێك بوونمان سه‌رڕێژ ئه‌كه‌ن

به‌ چێژ و بێده‌نگی

ئه‌و ژنانه‌ی خۆشمان ئه‌وێن

ده‌ریاچه‌ن

قوماشن ئه‌و ژنانه‌ی خۆشمان ئه‌وێن

له‌ بای تاسه‌دا شه‌پۆل ئه‌ده‌ن

پرچی درێژیان

له‌ شه‌ودا ئه‌دره‌وشێته‌وه‌

به‌ ده‌سته‌ گه‌رمه‌كانیان

ژیانمان ده‌گرن

سكی نه‌رمیان

كه‌وانه‌كانی ئاسمانن

ئه‌وان ده‌رگای ئێمه‌ن

په‌نجه‌ره‌كانمانن

به‌له‌مه‌ یه‌ك نه‌فه‌رییه‌كانمانن

ئه‌ستێره‌كانی ئێمه‌ هه‌میشه‌ له‌ نزیك ئه‌وانه‌وه‌ ئه‌ژین

ڕه‌نگه‌كانیان له‌ ئه‌ڤین ئه‌دوێن

لێویان خۆر و مانگه‌

به‌رگیان تاقه‌ كفنێكه‌

شایه‌نی ئه‌وه‌یه‌ بمانپێچێته‌وه‌

قوماشن ئه‌و ژنانه‌ی خۆشمان ئه‌وێن.

دارستانن ئه‌و ژنانه‌ی خۆشمان ئه‌وێن

هه‌ر یه‌كه‌ له‌ دره‌خته‌كانیان نیشانه‌یه‌كی ئه‌ڤینن

ئه‌گه‌ریش له‌ دارستانه‌كانیاندا وامان لێ بكه‌ن ڕێمان ون بكه‌ین

ئه‌وه‌ ڕێك ئه‌و كاته‌یه‌ خۆمان ئه‌بینینه‌وه‌

به‌ ڕاستی زیندووین

كاتێكیش له‌ دووره‌وه‌ گوێمان لێیه‌ ڕه‌شه‌با نزیك ئه‌بێته‌وه‌

با ئاواز و ژاوه‌ژاوه‌ی ئاهه‌نگه‌كانمان

یاخود كه‌ڕه‌نای مه‌ترسیمان به‌ گوێدا ئه‌دا

هیچ شتێك –به‌ شێوه‌یه‌كی ئاسایی- ناتوانێت بمانترسێنێ؛

به‌ دڵنیاییه‌وه‌ گه‌ڵا ئه‌ستووره‌كانیان ده‌مانپارێزن

چونكه‌ ئه‌و ژنانه‌ی خۆشمان ئه‌وێن

دارستانن

وه‌ك به‌نده‌رن ئه‌و ژنانه‌ی خۆشمان ئه‌وێن

(تاقه‌ ئامانج

تاقه‌ ئاڕاسته‌ی

كه‌شتییه‌ جوانه‌كانمان)

چاوه‌كانیان شه‌پۆلبه‌ستن

شانه‌كانیان سیمافۆری چێژن

ڕانه‌كانیان ڕیزێك گۆزه‌ی له‌نگه‌رگه‌ن

پێیه‌كانیان فه‌نه‌ری ناسكیی ئێمه‌ن

-ئه‌وانه‌ی نۆستالژیكن، ناوی كاته‌رینا دێنن-

شه‌پۆله‌كانیان نه‌وازشی دڵبزوێنن

ئاژێره‌كانیان فریومان ناده‌ن

به‌ڵام –هاوڕێیانه‌-

ڕێگه‌ی به‌نده‌رمان نیشان ئه‌ده‌ن

ئه‌و ژنانه‌ی خۆشمان ئه‌وێن

ئه‌و ژنانه‌ی خۆشمان ئه‌وێن، جه‌وهه‌رێكی پیرۆزیان هه‌یه‌

كاتێك توند توند

له‌ ئامێزیان ئه‌گرین

له‌گه‌ڵ خواوه‌نده‌كان ئه‌بین به‌ یه‌ك

ئێمه‌ وه‌ك تاوه‌ری دڕ به‌رز ئه‌بینه‌وه‌

-هیچ شتێك ناتوانێت له‌ عه‌ردمان بدا-

ئه‌وان به‌ ده‌سته‌ سپییه‌كانیانه‌وه‌

لێمان ئه‌ئاڵێن

خه‌ڵكان و گه‌لان دێن

بمانپه‌رستن

به‌ هاواره‌وه‌ ناومان دێنن

– نه‌مر به‌ درێژایی چاخه‌كان

چونكه‌ ئه‌و ژنانه‌ی خۆشمان ئه‌وێن

زۆر به‌ باشی

جه‌وهه‌ری پیرۆزی خۆیانمان بۆ ده‌گوێزنه‌وه.‌

سەرچاوە:

Nikos Engonopoulos, ‘Hymn to the glory of the women we love’ [Έλευσις, 1948], trans. by Thanasis Maskaleris, in Modern Greek Poetry: An Anthology, ed. by Nanos Valaoritis and Thanasis Maskaleris, 2003.

The post هه‌ڵبه‌ستێك بۆ شكۆی ئه‌و ژنانه‌ی خۆشمان ئه‌وێن appeared first on ژنەفتن.

ناوێکی بێ وێنەیە،

زۆر بێ وێنەیە،

ناوێکی تاکە،

ڕەگەزەکەی نە مێیە نە نێر،

ڕەگەزێکی بێ دیفاعە.

ژمارە کۆکەی

عاشقانێکی بێ دیفاع.

ترس،

ناوێکی بێ وێنەیە،

لە سەرەتادا ژمارە تاک بوو،

دواتر بوو بە کۆ:

ترسەکان

ترسەکان

لێرە بەدواوە بۆ هەموو شتێ.

یادگە،

ناوی ڕاستەقینەی غەمەکان،

ژمارە تاکە،

ناوێکی تاک و  تەنها

و  ئاڵۆز.

یادگە، یادگە، یادگە.

شەو

ناوێکی بێ وێنەیە

ڕەگەزی مێیە

ژمارە تاکە

ژمارە کۆکەی

شەوەکان

لێرە بەدواوە شەوەکان.

پەراوێزەکان:

١-بۆ زاکیرە یادگە-م بەکارهێناوە- یادگە واتە مەنزڵگەی یادەوەری.

تێبینی زمانەوانی:

لەبەر  ئەوەی شیعرەکە لە ڕووی ڕواڵەتەوە وابەستەیە بە ڕێزمانەوە لێرەدا مانای هەندێ وشەی یۆنانی تایبەت بەو شیعرە ئەخەمە ڕوو:

 Ουσιαστικό, τοواتە ناو –یان چاوگ لەگەڵ ئەوەی لە زمانی یۆنانیدا ئەو وشەیە وەک وشەیەکی ڕێزمانییە بە واتای چاوگ، یان ناو دێت، لەگەڵ ئەوەدا ڕیشەی وشەکە مانای تری هەیە وەک گرنگ،.یان وابەستە بە چەوهەر و ڕەگوڕیشەوە، یان ئاڵۆزی لە خستنەڕووی زمانیدا. لەبەر ئەوە لە وەرگێڕانی شیعرەکەدا بۆ ئەو وشە لە جیاتی ئەوەی وشەی چاوگ یان ناو  بەکار بهێنم یان ماناکانی دیکە بە باشم زانی وشەی بێ وێنە بەکاربهێنم.

 Όνομα, τοواتە ناو

سەرچاوە:

(Τό λίγο τοῦ κόσμου, 1971)

The post ژمارە کۆ appeared first on ژنەفتن.