<?xml version="1.0" encoding="UTF-8"?><rss version="2.0"
	xmlns:content="http://purl.org/rss/1.0/modules/content/"
	xmlns:wfw="http://wellformedweb.org/CommentAPI/"
	xmlns:dc="http://purl.org/dc/elements/1.1/"
	xmlns:atom="http://www.w3.org/2005/Atom"
	xmlns:sy="http://purl.org/rss/1.0/modules/syndication/"
	xmlns:slash="http://purl.org/rss/1.0/modules/slash/"
	>

<channel>
	<title>ئازادیی ڕادەربڕین Archives - ژنەفتن</title>
	<atom:link href="https://jineftin.krd/tag/%d8%a6%d8%a7%d8%b2%d8%a7%d8%af%db%8c%db%8c-%da%95%d8%a7%d8%af%db%95%d8%b1%d8%a8%da%95%db%8c%d9%86/feed/" rel="self" type="application/rss+xml" />
	<link>https://jineftin.krd/tag/ئازادیی-ڕادەربڕین/</link>
	<description>ماڵپەڕێکی هزری و کولتوورییە</description>
	<lastBuildDate>Sun, 22 Sep 2024 12:30:01 +0000</lastBuildDate>
	<language>ckb</language>
	<sy:updatePeriod>
	hourly	</sy:updatePeriod>
	<sy:updateFrequency>
	1	</sy:updateFrequency>
	<generator>https://wordpress.org/?v=7.0.8</generator>

<image>
	<url>https://jineftin.krd/wp-content/uploads/2020/08/jnaftn-logo-e1605465457630-100x100.png</url>
	<title>ئازادیی ڕادەربڕین Archives - ژنەفتن</title>
	<link>https://jineftin.krd/tag/ئازادیی-ڕادەربڕین/</link>
	<width>32</width>
	<height>32</height>
</image> 
	<item>
		<title>پەیامی پشتگیریی ٨٨مین کۆنگرەی نێونەتەوەییی پێن بۆ ژنان و خەڵکی ئێران</title>
		<link>https://jineftin.krd/2022/10/01/%d9%be%db%95%db%8c%d8%a7%d9%85%db%8c-%d9%be%d8%b4%d8%aa%da%af%db%8c%d8%b1%db%8c%db%8c-%d9%a8%d9%a8%d9%85%db%8c%d9%86-%da%a9%db%86%d9%86%da%af%d8%b1%db%95%db%8c-%d9%86%db%8e%d9%88%d9%86%db%95%d8%aa/</link>
		
		<dc:creator><![CDATA[سەیران باپووری]]></dc:creator>
		<pubDate>Sat, 01 Oct 2022 10:08:59 +0000</pubDate>
				<category><![CDATA[وتار و بۆچوون]]></category>
		<category><![CDATA[ئازادی]]></category>
		<category><![CDATA[ئازادیی ڕادەربڕین]]></category>
		<category><![CDATA[بەیاننامە]]></category>
		<category><![CDATA[پشتگیری]]></category>
		<category><![CDATA[خۆپیشاندان]]></category>
		<category><![CDATA[ژنان]]></category>
		<category><![CDATA[ژینا]]></category>
		<guid isPermaLink="false">https://jineftin.krd/?p=7909</guid>

					<description><![CDATA[<p>ئەندامانی هەشتا و هەشتەمین کۆنگرەی نێوەنەتەوەییی پێن کە لە ٢٦ی سێپتامبەر لە ئۆپاسلای سویدی دەستی پێ کردووە، بە بڵاوکردنەوەی بیاننامەیەک بە هەر سێ زمانی…</p>
<p>The post <a href="https://jineftin.krd/2022/10/01/%d9%be%db%95%db%8c%d8%a7%d9%85%db%8c-%d9%be%d8%b4%d8%aa%da%af%db%8c%d8%b1%db%8c%db%8c-%d9%a8%d9%a8%d9%85%db%8c%d9%86-%da%a9%db%86%d9%86%da%af%d8%b1%db%95%db%8c-%d9%86%db%8e%d9%88%d9%86%db%95%d8%aa/">پەیامی پشتگیریی ٨٨مین کۆنگرەی نێونەتەوەییی پێن بۆ ژنان و خەڵکی ئێران</a> appeared first on <a href="https://jineftin.krd">ژنەفتن</a>.</p>
]]></description>
										<content:encoded><![CDATA[
<p class="wp-block-paragraph">ئەندامانی هەشتا و هەشتەمین کۆنگرەی نێوەنەتەوەییی پێن کە لە ٢٦ی سێپتامبەر لە ئۆپاسلای سویدی دەستی پێ کردووە، بە بڵاوکردنەوەی بیاننامەیەک بە هەر سێ زمانی (کوردی، فارسی، ئینگلیزی)، هاوپشتی و پشتگیریی خۆیان بۆ ژنان و خەڵکی ئێران ڕاگەیاندووە و لە بەشێکی بەیانەکەدا ڕایانگەیاندووە کە: &#8221; ئێمە ئەندامانی پێنی نێونەتەوەیی لە کۆنگرەی ٨٨ی خۆماندا لە ئۆپسالای سوید، پێکەوە بە توندی دڕەندەیی رژیمی ئێران لە سەرکوتکردنی ئازادی دەڕبڕین سەرکۆنە و محکوم دەکەین. ئێمە بۆ هاوپشتی لە خەباتی ژنان و خەڵکی ئێران بۆ ئازادی و یەکسانی و عەدالەت، رادەوەستین و لە داواکارییەکانیان بۆ داهاتوویەکی بەبێ ستەمگەر و دیکتاتۆر پشتیوانی دەکەین.&#8221;</p>



<figure class="wp-block-image size-large"><img fetchpriority="high" decoding="async" width="1024" height="346" src="https://jineftin.krd/wp-content/uploads/2022/10/photo_٢٠٢٢-١٠-٠١_١٣-٠٢-١٠-1024x346.jpg" alt="" class="wp-image-7911" srcset="https://jineftin.krd/wp-content/uploads/2022/10/photo_٢٠٢٢-١٠-٠١_١٣-٠٢-١٠-1024x346.jpg 1024w, https://jineftin.krd/wp-content/uploads/2022/10/photo_٢٠٢٢-١٠-٠١_١٣-٠٢-١٠-300x101.jpg 300w, https://jineftin.krd/wp-content/uploads/2022/10/photo_٢٠٢٢-١٠-٠١_١٣-٠٢-١٠-768x259.jpg 768w, https://jineftin.krd/wp-content/uploads/2022/10/photo_٢٠٢٢-١٠-٠١_١٣-٠٢-١٠.jpg 1280w" sizes="(max-width: 1024px) 100vw, 1024px" /></figure>



<p class="wp-block-paragraph"><strong>&nbsp;دەقی بەیانەکە بە هەرسێ زمانی کوردی، فارسی، ئینگلیزی</strong></p>



<hr class="wp-block-separator has-text-color has-white-color has-alpha-channel-opacity has-white-background-color has-background"/>



<p class="wp-block-paragraph"><strong>پەیامی پشتگیریی ٨٨مین کۆنگرەی نێونەتەوەییی پێن بۆ ژنان و خەڵکی ئێران</strong></p>



<p class="wp-block-paragraph">مەرگی مەهسا(ژینا) ئەمینی، کچە کوردی ٢٢ ساڵانی ئێرانی، چەخماخەی ناڕەزایەتییەکی گشتی و بەردەوامی لە سەراسەری ئێران لێ دا، دوای ئەوەی کە لەلایەن &#8220;پۆلیسی ئەخلاق&#8221;ی ئێرانەوە گیرا.</p>



<p class="wp-block-paragraph">مەهسا لە ١٣ی سێپتامبر لە تاران لەبەر ئەوەی گوایە قژی بە تەواوەتی دانەپۆشراوە، گیرا. بەپێی وتەی ڕاپۆرتی میدیاکان، لە کاتی دەستبەسەرکردنیدا ئەشکەنجە دراوە، بەڵام پۆلیس حاشای لێ دەکات. مەهسا دەگوێزرێتەوە بۆ نەخۆشخانەی کەسرا لە تاران ، لەوێ چوار ڕۆژ لە کۆما دەمێنێتەوە و دوایی مەرگی ڕادەگەیەنن.</p>



<p class="wp-block-paragraph">پۆلیس بەردەام لە سەر ئەوە پێ دادەگرێت کە مەهسا جەڵدە یان سەکتەی دڵ لێی داوە، داستانێک کە بنەماڵەی مەهسا لەگەڵی نین.</p>



<p class="wp-block-paragraph">کاتێک کە تەرمی دەبریتەوە شارکەی خۆی لە سەقز، خەڵکی شار بۆ پشتیوانی بنەماڵەکەی لە گۆڕستان چاوەڕیی دەکەن. ئەم کۆبونەوەیە خاڵی دەستپێکی خۆپیشاندانە گشتییەکان لە سەراسەی ئێران بوو. خۆپیشاندەران لە شەقامەکاندا پۆستەر بە دەست درۆشم دەدەن، &#8220;ژن، ژیان، ئازادی&#8221;، و &#8220;نەمان بۆ دیکتاتۆری!&#8221;</p>



<p class="wp-block-paragraph">رژیم دڕندانە هێرشی کردووەتە سەر خۆپیشاندەران- بە پێی ڕاپۆرتە نافەرمییەکان خەڵكێکی زۆر کوژراون و هەزاران کەسی تر گیراون. حەفتەی رابردوو راپۆرتە میدیاییەکان نیگەرانی خۆیان سەبارت بە بچڕان و بەرتەسککردنەوەی ئێنتێرنێت دەربڕی کە دەستڕاگەیشتن بە زانیاری سەبارەت بە سەرکوتی بێبەزییانەی دەوڵەت بەسەختی بەرتەسک دەکاتەوە.</p>



<p class="wp-block-paragraph">بەپێی راپۆرتە سەرەتایییەکان بە هۆی هێرشی مووشەکی و درۆنی ئێران بۆ سەر هەرێمی کوردستانی عێراق لە ٢٨ی سێپتامبر، بە لانی کەمەوە ١٣ کەس کوژراون و ژمارەیەکی تریش بریندار بوون. بەرپرسانی ئێران دەڵێن گوایە ئەم هێرشانە بۆ سەر گرووپە کوردییەکان بوە کە لە پشت نارەزایەتییە بەربڵاوەکانن کە لە دوای مەرگی مەهساوە درێژەی هەیە.</p>



<p class="wp-block-paragraph">لە ماوەی چڵ ساڵی رابردوودا رژێمی ئیسلامی ئێران دەسەڵاتی خۆی لە رێگەی کۆشتنی بەکۆمەڵ، ئەشکەنجە، زیندانیکردن، سانسۆڕ و یاساخ کردنی زۆر لە ئازادییەکان راگرتووە. چالاکوانانی سیاسی، نووسەران، شاعیران، هونەرمەندان، کرێکاران، مامۆستایان و قوتابیان گیراون، ئەشکەنجە دراون و کوژراون.</p>



<p class="wp-block-paragraph">ئێمە ئەندامانی پێنی نێونەتەوەیی لە کۆنگرەی ٨٨ی خۆماندا لە ئۆپسالای سوید، پێکەوە بە توندی دڕەندەیی رژیمی ئێران لە سەرکوتکردنی ئازادی دەڕبڕین سەرکۆنە و محکوم دەکەین. ئێمە بۆ هاوپشتی لە خەباتی ژنان و خەڵکی ئێران بۆ ئازادی و یەکسانی و عەدالەت، رادەوەستین و لە داواکارییەکانیان بۆ داهاتوویەکی بەبێ ستەمگەر و دیکتاتۆر پشتیوانی دەکەین.</p>



<p class="wp-block-paragraph">ئێمە داوا دەکەین کە کۆتایی بە سەرکۆتکردنی ئازادی دەربڕین لە ئێران بهێنرێت و بکوژانی مەهسا بەرەوڕوی عەدالەت بکرێنەوە و بە خێرایی هێرشی سەربازی ڕابگێرێت .</p>



<p class="wp-block-paragraph">٣٠ی سێپتامبری ٢٠٢٢</p>



<p class="wp-block-paragraph"><strong>پیام حمایت هشتاد و هشتمین کنگره پن بین‌الملل&nbsp;</strong></p>



<p class="wp-block-paragraph"><strong>به زنان و مردم ایران</strong></p>



<p class="wp-block-paragraph">مهسا(ژینا) امینی زن ۲۲ ساله‌ی کرد ایرانی است که مرگ وی در زندان پس از بازداشت بوسیله &#8220;پلیس اخلاق&#8221; ایران جرقه‌ی اعتراضات گسترده و مداومی را در سراسر ایران زد.</p>



<p class="wp-block-paragraph">مهسا در ١٣ سپتامبر به دلیل گویا رعایت نکردن حجاب در تهران بازداشت شد. بنا به گزارش رسانه‌ها وی در زمان بازداشت شکنجه شد، ادعایی که پلیس آن را انکار می‌کند. وی به بیمارستان کسرا در تهران انتقال داده می‌شود پس از آنکه چهار در کما باقی می‌ماند در ١٦ سپتامبر مرگش را اعلام میکنند.</p>



<p class="wp-block-paragraph">پلیس اصرار دارد که مهسا بر اثر حمله قلبی درگذشته است، داستانی که خانواده وی قبول ندارند.</p>



<p class="wp-block-paragraph">هنگامی که جنازه مهسا به شهرش، سقز منتقل می‌شود، مردم شهر برای حمایت خانواده در محل دفن منتظر بودند. این تجمع نقطه آغاز اعتراضات عمومی در ایران بود. معترضان در خیابان‌ها تجمع کرده و پوسترها را حمل کرده و شعار سر دادند، &#8220;زن، زندگی، آزادی&#8221; و &#8220;مرگ بر دیکتاتور!&#8221;</p>



<p class="wp-block-paragraph">رژیم به طور وحشیانه ای به تظاهر کنندگان حمله کرده است. گزارشات غیر رسمی حاکی از آن است که شماری از مردم کشته مجروح و هزاران نفر بازداشت شده‌اند. هفته‌ی گذشته گزارش‌های رسانه‌ای نگرانی در مورد قطع و محدودیت گسترده‌ی اینترنت ابراز داشته است که دسترسی به اطلاعات در مورد برخورد بیرحمانه‌ی رژیم را به شدت تحت تاثیر قرار داده است.</p>



<p class="wp-block-paragraph">بر اساس گزارشات اولیه در ٢٨سپتامبر، حداقل ١٣ نفر بر اثر حملات موشکی و پهپادی ایران به اقلیم کردستان عراق کشته و شماری دیگر زخمی شده‌اند. مقامات ایرانی ادعا کرده‌اند که آنها گروه‌های کرد را هدف قرار داده‌اند که در پس اعتراضات بعد از مرگ مهسا هستند.&nbsp;</p>



<p class="wp-block-paragraph">در چهار دهه‌ی گذشته، رژیم اسلامی ایران از طریق کشتار جمعی، شکنجه، زندانی کردن، سانسور و ممنوع کردن بسیاری از آزادی‌ها قدرت خود را بر کشور حفظ کرده است. فعالان سیاسی و نویسندگان، شاعران، هنرمندان، کارگران، معلمان و دانشجویان دستگیر، شکنجه و کشته شده‌اند.&nbsp;</p>



<p class="wp-block-paragraph">ما اعضای پن بین الملل در کنگره‌ی ٨٨ خود، دراپسالای سوِئد، همصدا، قویأ سبعیت رژیم در سرکوب آزادی بیان در ایران را محکوم می‌کنیم. ما درهمبستگی با زنان و مردم ایران در مبارزه‌ی آنها برای آزادی و برابری و عدالت ایستاده و از خواسته‌های آنان برای آینده‌ای فارغ از ستمگری و دیکتاتوری، حمایت می‌کنیم.&nbsp;</p>



<p class="wp-block-paragraph">ما خواستار پایان سرکوب آزادی بیان در ایران و آوردن قاتلان مهسا به پای میز عدالت و توقف فوری حملات نظامی هستیم.</p>



<p class="wp-block-paragraph">٣٠ سپتامبر٢٠٢٢</p>



<figure class="wp-block-image size-full"><img decoding="async" width="685" height="783" src="https://jineftin.krd/wp-content/uploads/2022/10/photo_٢٠٢٢-١٠-٠١_١٢-٤٦-٣٨.jpg" alt="" class="wp-image-7910" srcset="https://jineftin.krd/wp-content/uploads/2022/10/photo_٢٠٢٢-١٠-٠١_١٢-٤٦-٣٨.jpg 685w, https://jineftin.krd/wp-content/uploads/2022/10/photo_٢٠٢٢-١٠-٠١_١٢-٤٦-٣٨-262x300.jpg 262w" sizes="(max-width: 685px) 100vw, 685px" /></figure>



<p class="has-text-align-left wp-block-paragraph"><strong>PEN International 88th Congress:&nbsp;</strong></p>



<p class="wp-block-paragraph">A Message of Solidarity with the Women and People of Iran</p>



<p class="wp-block-paragraph">Mahsa (Zhina) Amini was a 22- year-old Kurdish Iranian woman whose death in custody following her arrest by&nbsp;Iran’s “morality police” has sparked continuing mass protests across Iran.&nbsp;</p>



<p class="wp-block-paragraph">Mahsa was arrested on September 13 in Tehran for allegedly not following the country’s dress code for women. According to media reports, she was tortured while in custody, an allegation the police deny. She was taken to Kasra Hospital in Tehran where she remained in a coma until pronounced dead on September 16.</p>



<p class="wp-block-paragraph">The Iranian authorities maintain that Mahsa suffered a heart attack, an account that is not accepted by her family.</p>



<p class="wp-block-paragraph">When her body was taken to her hometown of Saqqez, people were waiting to support the family at the funeral. This gathering was the starting point for the mass protests across Iran. Protesters gathered in the streets carrying posters and shouting the slogans, “Woman, Life, Freedom”, and “Down with the Dictator!”&nbsp;</p>



<p class="wp-block-paragraph">The authorities have brutally cracked down on protests — unofficial reports claim many people have been killed or injured and thousands have been arrested. Last week, media reports raised concerns over widespread internet outages and restricted internet services which severely affected access to information regarding the government’s brutal response.</p>



<p class="wp-block-paragraph">According to the initial report at least 13 were killed and many others were injured following Iranian missiles and drones’ attacks on the Kurdish region of northern Iraq on 28 September. Iranian authorities claim that the attacks targeted Kurdish groups behind the widespread protests that followed Mahsa’s death.</p>



<p class="wp-block-paragraph">For the past four decades, Iran’s regime has maintained its grip on the country through mass killing, torture, imprisonments, censorship, and curtailing of essential freedoms. Political activists, writers, poets, artists, workers, teachers, and students have been arrested, tortured, and killed.&nbsp;</p>



<p class="wp-block-paragraph">We, the members of PEN International at the 88th Congress, together in Uppsala, Sweden, strongly condemn the brutal crackdown on freedom of expression in Iran. We stand in solidarity with the women and people of Iran in their fight for freedom, equality and justice and support their demands for a future without tyranny and dictatorship.&nbsp;</p>



<p class="wp-block-paragraph">We call for an end to the crackdown on freedom of expression in Iran, and demand that Mahsa’s killers be brought to justice we also call for an immediate halt to military strikes.</p>



<p class="wp-block-paragraph">30 September 2022</p>
<p>The post <a href="https://jineftin.krd/2022/10/01/%d9%be%db%95%db%8c%d8%a7%d9%85%db%8c-%d9%be%d8%b4%d8%aa%da%af%db%8c%d8%b1%db%8c%db%8c-%d9%a8%d9%a8%d9%85%db%8c%d9%86-%da%a9%db%86%d9%86%da%af%d8%b1%db%95%db%8c-%d9%86%db%8e%d9%88%d9%86%db%95%d8%aa/">پەیامی پشتگیریی ٨٨مین کۆنگرەی نێونەتەوەییی پێن بۆ ژنان و خەڵکی ئێران</a> appeared first on <a href="https://jineftin.krd">ژنەفتن</a>.</p>
]]></content:encoded>
					
		
		
			</item>
		<item>
		<title>ئازادیی ڕادەربرێن</title>
		<link>https://jineftin.krd/2021/09/24/%d8%a6%d8%a7%d8%b2%d8%a7%d8%af%db%8c%db%8c-%da%95%d8%a7%d8%af%db%95%d8%b1%d8%a8%d8%b1%db%8e%d9%86/</link>
		
		<dc:creator><![CDATA[پیتر جۆنس]]></dc:creator>
		<pubDate>Fri, 24 Sep 2021 08:00:41 +0000</pubDate>
				<category><![CDATA[وتار و بۆچوون]]></category>
		<category><![CDATA[ئازادی]]></category>
		<category><![CDATA[ئازادیی ڕادەربڕین]]></category>
		<category><![CDATA[دیموکراسی]]></category>
		<category><![CDATA[مافی مرۆڤ]]></category>
		<category><![CDATA[هزر]]></category>
		<category><![CDATA[وتار]]></category>
		<category><![CDATA[وەرگێڕان]]></category>
		<guid isPermaLink="false">https://jineftin.krd/?p=6011</guid>

					<description><![CDATA[<p>ئازادیی ڕادەربڕین یەکێک لە پەژراوترین بنەماکانی ژیانی سیاسی و کۆمەڵایەتیی سەردەمی نوێیە. سێ هۆ کە بۆ هێنانە گۆڕی ئازادیی ڕادەبڕین زۆر وەپیش دەخرێن بریتین…</p>
<p>The post <a href="https://jineftin.krd/2021/09/24/%d8%a6%d8%a7%d8%b2%d8%a7%d8%af%db%8c%db%8c-%da%95%d8%a7%d8%af%db%95%d8%b1%d8%a8%d8%b1%db%8e%d9%86/">ئازادیی ڕادەربرێن</a> appeared first on <a href="https://jineftin.krd">ژنەفتن</a>.</p>
]]></description>
										<content:encoded><![CDATA[
<p class="wp-block-paragraph">ئازادیی ڕادەربڕین یەکێک لە پەژراوترین بنەماکانی ژیانی سیاسی و کۆمەڵایەتیی سەردەمی نوێیە. سێ هۆ کە بۆ هێنانە گۆڕی ئازادیی ڕادەبڕین زۆر وەپیش دەخرێن بریتین لەوەی کە ئازادیی ڕادەربرێن: ١) بنەمای سەرەکیی گەڕان بەدوای ڕاستیدایە؛ ٢) یەکێکە لە تخمە بنچینیەییەکانی دێموکراسی و، ٣) یەکێکە لەو ئازادییانەی کە لە دیدی بەڕێزی و بەختەوەریی مرۆڤەوە چۆنایەتییەکی دیاریکەری هەیە.</p>



<p class="wp-block-paragraph">ئەوانەی بەرگری لە ئازادیی ڕادەبڕین دەکەن هەردەم ئەو خاڵە وەبیر دێننەوە کە ڕێدان بە پشکنینی وتە و نووسراوە لە لایەن حکوومەتەکانەوە مەترسیدارە. سەرباری ئەوەش، بە گشتی هاوڕاییەک لەسەر ئەوە هەیە کە ڕادەربڕینیش دەبێ سنووری خۆی هەبێت. زۆربەی ئەو مشتومڕەی کە ئێستا دەربارەی ڕادەبڕین دەکرێت لەسەر ئەو سنوورەیە. کەسانێک سرنجیان خستووەتە سەر ئەو پرسەی کە هەرخۆی &#8221;ڕادەربڕین&#8221; چییە و، خەڵکی دیکەش لەوەی ورد دەبنەوە کە بڵێی &#8221;ڕادەربڕین&#8221; چ خەسار و زیانەیلێکی لێ بکەوێتەوە.</p>



<p class="wp-block-paragraph">لە باسوخواسی ئەم بابەتەدا واتایەکی باوی کە لە وشەی &#8221;ڕادەبڕین&#8221; هەڵدەوێنجرێت لە بەرانبەر تۆرەی وشەکەدا لە لایەکەوە داوێنێکی بەرینی هەیە و لە لایەکی دیکەشەوە داوێنەکەی بەرتەسکترە. لە لایەکەوە هەم وتە و هەم نووسراو وە خۆی دەگرێت و لەوانەیە دەربڕینی بەدەر لە گوتن وەکو وێنە و هێما و جووڵەش بگرێتەوە و، لە لایەکی دیکەشەوە، بەشێک لە شێوەکانی دەربڕین دەکەونە دەرەوەی کەوشەنی ڕێپێدراو، وەکو سوێندی بەدرۆ و وەرگرتنی باجی دەمچەوتی کە سەرباری ئەوەی لەوانەشدا ڕادەربڕین لەکار هاتووە، بەڵام قانوون ڕێیان پێ نادات.</p>



<p class="wp-block-paragraph">ئەو بەشەی &#8221;ئازادی&#8221; کە لێرەدا مەبەستە، ئازادیی &#8221;قانوونی&#8221;یە، واتا نەبوونی بەربەستی قانوونی بۆ ڕادەبڕین. بەڵام بەشەکانی دیکەی ئازادییش لەوانەیە بێنە نێو باسەکەوە، وەکو ئازادی لەهەمبەر گوشارە کۆمەڵایەتییەکان، یان هەڕەشە ئابوورییەکاندا.</p>



<p class="wp-block-paragraph">بابەتی ئازادیی &#8221;ڕادەبڕین&#8221; لەوانەیە لە بواری سیاسەتی بڵاوکراوەکانی زانستگەدا بۆ بڵاوکردنەوە، یان بڵاونەکردنەوەی بەشێک لە وتارەکان، یان سیاسەتی کتێبخانەکان سەبارەت بە کڕین، یان نەکڕینی بەشێک لە کتێبەکان و بڵاوکراوەکانیش بێتە ئاراوە. هەروەها ئەو بابەتەش لە گۆڕێیە کە ئاخۆ خەڵک بەڕاستی دەرفەتی ئەوەیان پێ دەدرێت بۆچوون و بیرکردنەوەی خۆیان دەربارەی نایەکسانییە ئابوورییەکان لە ڕێی ڕاگەیاندنە دەوڵەتییەکانەوە، یان لە باسە سیاسییەکاندا دەرببڕن، یان نا.</p>



<p class="wp-block-paragraph">ئازادیی ڕادەبڕین بە جۆرە &#8221;ماف&#8221;ێک دادەنرێت، هەر بۆیە پێگەیەکی ئەخلاقی و سیاسیی بژاردەی هەیە و یەکێکە لە تخمە پەژراو و پێوانەکانی بەشی مافەکانی نەتەوە لە دەستوور (قانوونی بنەڕەتی) و جاڕنامەکانی مافی مرۆڤدا. وەکو باوە مافی ڕادەربڕین بە هی ئەو کەسانە دادەنرێت کە دەخوازن شتێک بێژن، یان بنووسن، بەڵام لەوانەیە بۆ کەسانێکیش داوای ئەو مافە بکرێت کە دەخوازن شتێک ببیستن، یان بخوێننەوە، جا گرینگایەتیی ئەم مافەش لە هی ڕادەربڕین کەمتر نییە.</p>



<p class="wp-block-paragraph">شیکاران جاری وایە هەوڵ دەدەن بە شرۆڤە و شیتەڵکردنی چەمکەکانی &#8221;ئازادی&#8221; و &#8221;ڕادەربڕین&#8221; واتای ئازادیی ڕادەربڕین دیاری بکەن؛ بەڵام لە دیدی فەلسەفییەوە واتای ماف لە پاساودان و سەلماندنەکەی هاوێر ناکرێت. ئێمە کاتێک دەتوانین دیاریی بکەین کە مافی ئازادیی ڕادەربڕین کام بەشانەی ڕادەبڕین بگرێتەوە و چ جۆرە ئازادیگەلێک مسۆگەر بکات و دەبێ چ پێگەیەک بە پێگەی ئازادی دابنرێت، کە بزانین ئازادی بۆچی گرینگە.&nbsp;</p>



<p class="wp-block-paragraph">گوتمان سێ هۆ بۆ هێنانە گۆڕی ئازادیی ڕادەبڕین زۆر وەپیش دەخرێن:</p>



<p class="wp-block-paragraph"><strong>١.</strong>‌ <strong>گەڕان بەدوای ڕاستیدا</strong>: ئازادیی ڕادەربڕینیان زیاتر بە کەرەستەیەکی دۆزینەوەی ڕاستی داناوە و بەرگرییان لێ کردووە. گوتوویانە ئەگەر مەبەست پێشڤەچوونی درک و تێگەیشتن و زانین بێت، ئەوە خەڵک دەبێ لە ڕادەربڕین و باس و ڕەخنەگرتن سەبارەت بە بیروڕاکان و زانیارییەکان ئازاد بن، چونکە ڕاستی تەنیا لە گۆڕەپانی ئازاد و ئاشکرای گۆڕینەوە و دانوستانی بیروڕادا دەرفەتی ئەوپەڕی خۆدەرخستنی بۆ دەڕەخسێت. لەوانەیە بڵێین پاش ئاشکرابوونی ڕاستی ئیدی ئازادیی ڕادەربڕین کەلکی نامێنێت و دەبێ وەلا بنرێت، بەڵام بەهەڵەداچوون لە باوەڕەکانمانداهەمیشە یەکێک لە هۆیەکانی بەرگریکردن لە ئازادیی ڕادەربڕین بووە.</p>



<p class="wp-block-paragraph">لەوانە بیر بکەینەوە کە ڕێ لە سەرهەڵدانی بیرێکی ناڕاست و درۆینە دەگرین، کەچی مێژوو نیشانی داوە کە زۆر جار بەهەڵە ڕاستی بە ناڕاستی دانراوە و ناڕاستی جێی ڕاستیی گرتووەتەوە. بێجگە لەوە، هەروەکو <strong>جۆن ستیوارت میڵ</strong> هۆکاری بۆ هێناوەتەوە، تەنانەت ئەگەر باوەڕێک ڕاستیش بێت هەتاکو ئەوکاتە دەتوانین باوەڕی پێ بکەین کە بتوانێت لە کاتی دەهەڵمەتگرتناندا (خستنە چاڵنجەوە) بە سەربڵندی دەرباز بێت و، تەنانەت ئەگەر باوەڕێکی ڕاستیش لە دەهەڵمەتگرتن دوور بخرێتەوە، دەبێتە بیروشکییەکی دۆگماتیکی مردوو.</p>



<p class="wp-block-paragraph">ئەمە بەرگرییەکی بەهێزە، بەڵام ڕێی چەند ڕەخنەیەکی تێ دەچێت. یەکەم ئەوەی کە بەرگریکەران ئازادیی ڕادەربڕینیان تا ئەو جێیە بەلاوە بەهادارە کە بە بەهای ڕاستیی دەزانن. هەڵبەت هەمووان ئەوە دەسەلمێنین کە زانین باشترە لە نەزانین و ڕاستی بەپێزترە لە ناڕاستی؛ بەڵام جاری وایە لەوانەیە بەهۆی ڕەچاوکردنی پێداویستیی دیکەی وەکو ئاسایشی گشتی و دڵنیابوون، زانین و ڕاستی لەگەڵ یەکدی بکەونە ناکۆکییەوە. کەسانێک بەگومانن لەوەی کە دەبێ ڕاستی هەمیشە بەهای زاڵ بێت.</p>



<p class="wp-block-paragraph">دووەمیش ئەوەی کە بەرگریکەران باوەڕیان وایە کە ئازادیی ڕادەربڕین بەڕاستی یارمەتیی پێشکەوتنی تێگەیشتن و ڕاستی دەدات. بەڵام کەسانێکیش هەن کە پێیان وایە ئەم باوەڕە لەڕادەبەدەر خۆشبینانەیە و بەگومانن لەوەی کە خەڵکی ئاسایی لە ڕاستیدا بتوانن ڕاستی لە ناڕاستی هەڵاوێرن و پێشگوتنی ناهۆشپەسند لە هۆکارهێنانەوەی ژیربێژانە جودا بکەنەوە. بەڵام لە هەڵسەنگاندنی ئەم ڕەخنەیەدا دەبێ دەرووی جێگرەوە لەبەرچاو بگرین. پرسیارەکە ئەوە نییە کە ئاخۆ ڕاستی هەمیشە لە ئەنجامی وێککەوتنیباوەڕەکان و بۆچوونەکان وەدیار دەکەوێت، بگرە دەمانەوێت بزانین سانسۆری حکوومت زیاتر سوودی پێ دەگەیەنێت، یان وتووێژی ئازاد و بەبێ وەتەنگهێنان.</p>



<p class="wp-block-paragraph"><strong>سێیەم </strong>ئەوەی کە بەشێک لە شێوەکانی ڕادەربڕین، وەکو جۆرەکانی هونەر، سەروکاریان لەگەڵ ڕاستی نییە و، لەبەر ئەمە، وەکو کەرەستەی گەڕان بەدوای ڕاستیدا لە بەستێنی ئەو بەرگریکەرانەدا ناگونجێت؛ بەڵام سەرباری ئەوەش، لایەنی چاکەیان تێدا هەیە، وەکو &#8221;داهێنان&#8221; کە دەشێ بڵێین جێی ڕاستی دەگرێتەوە و بەرگریکردن لەسەر بنەمای دەرهاویشتە پەسندەکانی دۆزینەوەی ڕاستی، ئەویش لە خۆیەوە دەپێچێت.</p>



<p class="wp-block-paragraph"><strong>٢. دێموکراسی</strong>: هزری بنچینەیی لە دێموکراسیدا حکوومەتی خەڵکە بەسەر خەڵکدا، ئەم بابەتەش بەدی نایەت ئەگەر خەڵک نەتوانن بۆچوونی خۆیان بۆ یەکدی بخەنە ڕوو. بڕیاردان بە شێوەی دێموکراتیک هەم پێویستی بە باس و مشتومڕ هەیە و هەمیش بە دەنگدان؛ بەرتەسککردنەوەی ڕەوتی ڕاوێژ و پێکەوەدووان، تایبەتمەندییە دێموکراتیکەکەیشی بە هەمان ڕێژە بەرتەسک دەکاتەوە. بێجگە لەمە، دێموکراسی دەخوازێت کە هیچ کەسێک بێجگە لە خودی خەڵک ڕێی پێ نەدرێت ئازادیی باس و وتووێژی نێوان خەڵک سنووردار بکات. دێموکراسی لەوپەڕی خۆیدا بەو واتایە دێت کە هەرکەسێک شوێنکەوتەی بڕیارەکانی دێموکراسییە مافی ئەوەی هەیە لە ڕەوتە پێوەندیدارەکانیدا بەشدار بێت، کەواتە دەبێ مافی یەکسانی ئازادیی ڕادەربڕینی پێ ببڕێت.</p>



<p class="wp-block-paragraph">دێموکراسیی سەردەمی نوێ لە ڕێی نوێنەرانی خەڵکەوە، واتا بە شێوەی ناڕەستەوخۆ، لەکار دەکرێت. بەگوێرەی ئەم بابەتە، ئازادیی ڕادەربڕین لەو لایەنەشەوە گرینگە کە دەسەڵاتداران لە باوەڕ و خواستەکانی خەڵکی ژێر دەسەڵاتی خۆیان هایدار بن بۆ ئەوەی هەم دژبەران دەرفەتی خۆنواندیان بۆ بڕەخسێت و هەمیش ڕێ لە وەرگرتنی کەلکی ئاوەژوو لە حکوومەت بگیرێت. تەنانەت پێویستە بگوترێت کە بەرگریکردن لە ئازادیی ڕادەربڕین وەکو کەرەستەیکی ڕێگری لە وەرگرتنی کەلکی ئاوەژوو لە دەسەڵات شیاوی گشتگیرییە بەسەر بانتر لە سنوورەکانی حکوومەتی دێموکراتیکیشدا.</p>



<p class="wp-block-paragraph">جاری وایە بیر لەوە دەکرێتەوە کە دێموکراسی بۆ ئازادیی ڕادەربڕین پەناگەیەکی پارێزراو نییە. وای دابنێن کە زۆرینە بخوازێت دەنگی کەمینە کپ بکات. ئاخۆ دێموکراسی ڕێی ئەوەی پێ دراوە کە ئازادیی ڕادەبڕێن لە کەمینە زەوت بکات؟ وەڵامەکە پێوەندیی بەوەوە هەیە کە باسی چ جۆرە ڕادەربڕینێک لە گۆڕێیە. چونکە لە دێموکراسیدا هەموو خەڵک دەبێ مافی سیاسیی یەکسانیان هەبێت، دێموکراسی ناتوانێت پاساو بۆ ئەوە بێنێتەوە کە زۆرینە مافی دێموکراتیکی بەشێک لە تاکەکانی خەڵک، لەوانە مافی دێموکراتیکی ئازادیی ڕادەربڕین سنووردار، یان زەوت بکات. بەڵام ڕادەربڕینی شیاوی بەرگریکردن بە پشتبەستن بە دێموکراسی لەو جۆرە ڕادەربڕینەدا سنووردار دەکرێت کە لە دیدی هاوبەشی لە پرۆسەی دێموکراسیدا بە بنەما دادەنرێت و ئەمە هەموو جۆرە ڕادەربڕینێک ناگرێتەوە. بۆ نموونە ئەگەر بمانەوێت بەرگری لە مافی زانستمەندان بۆ بەگومانبوون لە بۆچوونی نەریتیی هاوکارەکانیان بکەین، بە پشتبەستن بە پێداویستییە لەپێشینەکانی هاوبەشیی دێموکراتیک ناتوانین بە شێلگیرانەترین شێوە بەرگری لەو مافە بکەین، چونکە بە ئاسانی و بەبێ ئەزموون ناکرێ بڵێین چ جۆرە ڕادەربڕینێک پێوەندی بە پرۆسەی دێموکراسییەوە پەیدا دەکات، یان نایکات.</p>



<figure class="wp-block-image size-full is-resized"><img decoding="async" src="https://jineftin.krd/wp-content/uploads/2021/09/photo_٢٠٢١-٠٩-٢٣_١٨-٠٩-٣٦.jpg" alt="" class="wp-image-6012" width="560" height="789" srcset="https://jineftin.krd/wp-content/uploads/2021/09/photo_٢٠٢١-٠٩-٢٣_١٨-٠٩-٣٦.jpg 442w, https://jineftin.krd/wp-content/uploads/2021/09/photo_٢٠٢١-٠٩-٢٣_١٨-٠٩-٣٦-213x300.jpg 213w" sizes="(max-width: 560px) 100vw, 560px" /><figcaption> ئازادیی ڕادەربڕین یەکێک لە گرینگترین تایبەتمەندییەکانی کۆمەڵگەیەکی وایە کە دامەزراوەکانی و باوەڕەکانی و بایەخەکانی دەرفەتێک بۆ تاک دەڕەخسێنن کە خۆی ژیانی خۆی ڕێک بخات و دەست بۆ هەڵبژاردنی هۆشپەسندانە بەرێت و لە بەرزترین واتای مرۆڤانەشدا بەختەوەری بۆ خۆی دەستەبەر بکات. </figcaption></figure>



<p class="wp-block-paragraph"><strong>٣. ئازادیی تاکەکەسی</strong>: ئازادیی ڕادەربڕین زۆر جار وەکو یەکێک لە پایەکانی ئازادیی تاکەکەسی دەنرخێندرێت، نەک هەروەکو یەکێک لە کەرەستەکانی گەیشتن بە ئامانجە کۆمەڵایەتییەکان، یان یەکێک لەو دامەزراوانەی کە بە دیاریکراوی بە سیاسی دادەندرێن. جاری وایە شکۆ و کەسایەتیی تاکەکەسێک جێی تێڕامانە. دەگوترێت ئەگەر پێش لە کەسانێک بگیرێت بۆ ئەوەی نەتوانن ڕا و بۆچوونی خۆیان بە دیتران ڕابگەیەنن، ئەوە دەستدرێژی کراوەتە سەر ئەو شکۆ و پێگەیەی کە مافی ئەو کەسانەیە. هەروەها ئەگەر ڕێی ئەوەیان لێ بگیرێت کە زانیارییان پێ بگات و ئەنجامی سەربەخۆ لە ڕای خەڵکی تر هەڵوێنجن، ئەوەش لەگەڵ کەسایەتی و شکۆی ئەوان یەک ناگرێتەوە. جاری وایە لەجیاتی &#8221;مافی&#8221; ڕادەربڕین پێداگری لەسەر &#8221;چاکی&#8221;ی ڕادەربڕین دەکرێت. ئیدیعای ئەوە کراوە کە پێوەندیی ئازاد لەنێوان مرۆڤەکاندا بنەمای پەروەردە و گەشە و کردەکیبوونی تواناییی مرۆڤە. ئازادیی ڕادەربڕین یەکێک لە گرینگترین تایبەتمەندییەکانی کۆمەڵگەیەکی وایە کە دامەزراوەکانی و باوەڕەکانی و بایەخەکانی دەرفەتێک بۆ تاک دەڕەخسێنن کە خۆی ژیانی خۆی ڕێک بخات و دەست بۆ هەڵبژاردنی هۆشپەسندانە بەرێت و لە بەرزترین واتای مرۆڤانەشدا بەختەوەری بۆ خۆی دەستەبەر بکات.</p>



<p class="wp-block-paragraph">لەم سەردەمی حازرییەدا تەوەرەی مشتومڕ دەربارەی ئازادیی ڕادەربڕین سنوورەکەیەتی؛ باسی سنوورەکەیشی دوو شت دەگرێتەوە: <strong>یەکیان </strong>ئەو پاناییەی ڕادەربڕین دەیگرێتەوە و، دووەمیان ئەو خەسارانەی لەوانەیە لە ڕادەربڕین بکەونەوە.</p>



<p class="wp-block-paragraph">ئەوەی بەلای بەشێک لە خەڵکەوە ڕادەربڕینە و دەخوازن پارێزگاری لێ بکرێت، بەلای کەسانێکی دیکەوە بە هیچ&nbsp; واتایەکی باوەڕپێکراو بە ڕادەربڕین دانانرێت. بۆ نموونە، ئەوانەی ویستوویانە نمایشتی وێنەگەلی پۆرنۆگرافی لە چوارچێوەی ئازادیی ڕادەربڕیندا بگونجێنن ڕووبەڕووی ئەو ڕەخنەیە بوونەتەوە کە ئەو کارە نە نێوەرۆکێکی پێوەندیدەری هەیە و نە بە هیچ واتایەکی هۆشپەسندانەش بە ڕادەربڕین هەژمار دەکرێت. بێجگە لەمەش، بەشێک لەو شتانەی کە لەوانەیە بە شێوەی باو لەنێو خەڵکدا بە ڕادەربڕین دابندرێن ڕەنگە ئەو مەرجانەیان تێدا دەست نەکەوێت کە بەناوی ڕادەبڕین لەلایەن قانوونەوە پشتگیرییان لێ دەکرێت. یەکێک لەو نموونانەی کە ئەم چەمکە وەڕاست دەگێڕێت ڕیکلامی بازرگانییە. لە بەرانبەریشدا، کۆمەڵێک کردەوە و جووڵەی وەکو سووتاندنی ئاڵا، یان دوورین و چەسپاندنی کۆمەڵێک ئاڕم و نیشان بە جلوبەرگەوە، هەرچەندە وەکو باوە لە واتاکانی ڕادەربڕین هەژمار ناکرێن، بەڵام لەوانەیە بەهۆی تایبەتمەندییە پێوەندیدەرانەکەیانەوە لە پرەنسیپی ئازادیی ڕادەربڕیندا جێ بگرن. کەواتە سەلماندنی ئازادیی ڕادەبڕین لەو دیدەوە کە دەبێ چ شتێک بە ڕادەربڕین دابنرێت کۆمەڵێک دەرهاویشتەی هەیە کە تاکو ڕادەیەک سنووری ئازادی دیاری دەکەن.</p>



<p class="wp-block-paragraph"><strong>دووەم</strong>، ڕادەبڕین لەبەر ئەوەی کە زۆر جار زیانبارە و خەسارەتی لێ دەکەوێتەوە، سنووری بۆ دادەنرێت. جاری وایە دەڵێن ڕادەربڕین لەبەر ئەوەی دەربڕینە و کردەوە نییە، کەواتە ناتوانێت زیانبار بێت و خەسارەتی لێ بکەوێتەوە. بەڵام ئەم ئیدیعایە بەڕوونی دیارە کە ڕاست نییە. ئابڕووبردن، زیان بە ئابڕووی تاکەکان دەگەیەنێت و ئەو زیانەش دەبێتە هۆیەک بۆ ئەوەی ڕادەربڕینێکی تۆمەت و بوختانی تێدا بێت ڕێی پێ نەدرێت، هەڵبەت بەو مەرجەی کە ئەوەی گوتراوە نە ڕاست بێت و نە بۆچوونێکی دادپەروەرانەش بێت. ڕادەربڕینێکی کە سنووری تایبەتی تاکەکانیش ببەزێنێت هەر ڕێی لێ دەگیرێت ئەگەر بەرژەوەندیی ڕاستەقینەی گشتیی تێدا بەستە نەبێت. لێرەدا تەنانەت &#8221;ڕاستی&#8221;ش بە پاساوێکی پەسند دانانرێت، چونکە کۆمەڵێک کاروبار هەن کە لە بنەڕەتەوە هەموو خەڵک مافی ئەوەیان نییە سەری لێ دەر بکەن. چەوتوێژی و پۆرنۆگرافی و هاندانی توندوتیژی و وتەی وا کە ڕق هەستێنێت، بەتایبەت ڕق و قینی ڕەگەزی و نەتەوەیی، لەبەر ئەوەی کە دەڵێن خەساریان لێ دەکەوێتەوە، پتر بە ناقانوونی لەقەڵەم دەدرێن.</p>



<blockquote class="wp-block-quote is-style-large is-layout-flow wp-block-quote-is-layout-flow"><p><strong><span class="has-inline-color has-vivid-red-color">دەبێ مافی قانوونیی ڕادەربڕین لە مافە ئەخلاقییەکەی بەرینتر بێت</span></strong></p></blockquote>



<p class="wp-block-paragraph">باسی زیانباریی ڕادەربڕین لەسەر چوار تەوەرە دەسووڕێتەوە. یەکیان ئەو بابەتە ئەزموونییەیە کە فڵانە شێوەدەربڕینەی وا ئیدیعا دەکرێت زیانبارە، ئاخۆ لە ڕاستیدا خەسارەتی لێ دەکەوێتەوە، یان نا؟ دووەمیان ئەوەی کە ئاخۆ ئەو زیانەی ئیدیعا کراوە لە ڕاستیدا زیانە، یان نا؟ ئاخۆ ئەو وتارەی کە خەڵک هان دەدات فڵانە ڕێژیمی سیاسی بڕووخێنن، یان فڵانە قانوونی تایبەت هەڵوەشێننەوە، بە وتەکانی خۆی زیانێکی گەیاندووە؟ وەڵامەکەی ئێمە بە ئاشکرا پێوەندیی بە هەڵسەنگاندنی ئەو ڕێژیمە، یان ئەو قانوونە لەلایەن خۆمانەوە هەیە. سێیەمیان، با وای دانێین کە دەیسەلمێنین فڵانە بابەت خەساری لێ دەکەوێتەوە، ئاخۆ ئەو خەسارە بۆ سنووردارکردنی ئازادیی ڕادەربڕین کیفایەتە؟ ئاخۆ کەسێکی کە هەر لەبەر ئەوەی بە وتەکانی خۆی هەستی بەشێک لە خەڵک دەڕەنجێنێت، مافی ئەوەمان هەیە نەهێڵین قسە بکات؟ بەگوێرەی پرەنسیپی ئازادیی ڕادەربڕین دەبێ خەسارەتەکە زۆر زۆر بێت تا مافێکی وا بە خۆمان ڕەوا ببینین. چوارەمیان، بابەتی وا دێتە پێشەوە کە لەوانەیە بەبێ ئەوەی مەبەستمان سنووردارکردنی ئازادیی ڕادەربڕین بێت، وای بەباش بزانین کە جارێ ڕادەی سەرێتییەکەی (ئەولەویەتەکەی) کەم بکەینەوە.</p>



<p class="wp-block-paragraph">دیاریکردنی هێڵی سنووری ئازادیی ڕادەربڕین بەکردەوە کارێکی دژوارە و، پێویست نییە سنوورە ئەخلاقییەکانی ڕادەربڕین لەگەڵ سنوورە قانوونییەکانی بەقەدەر یەک بن، بەڵام بۆ ئەوەی ڕێ لە کەلکوەگرتنی ئاوەژوو لە دەسەڵات بگیرێت، دەبێ مافی قانوونیی ڕادەربڕین لە مافە ئەخلاقییەکەی بەرینتر بێت. لەوانەیە بەگوێرەی ئەخلاق، دەربڕینی کۆمەڵێک بابەت ڕێپێدراو نەبن، بەڵام بەپێی قانوون شیاوی ئەوە بن کە مۆڵەتی دەربڕینیان پێ بدرێت.</p>



<p class="wp-block-paragraph">&#8212;&#8212;&#8212;&#8212;&#8212;&#8212;&#8212;&#8212;-‌</p>



<p class="wp-block-paragraph">١-‌ پیتر جۆنس، مامۆستای فەلسەفەی سیاسی لە زانستگەی نیوکاسڵی ئینگلستان.</p>



<p class="wp-block-paragraph">٢-‌ سەرچاوەی ئەم وتارە: کتێبی (فلسفە و جامعە و سیاست، مجموعە مقالە، گزیدە و نوشتە و ترجمە عزت‌اللە فولادوند، چاپ اول پاییز ١٣٨٧، تهران، نشر ماهی.)</p>
<p>The post <a href="https://jineftin.krd/2021/09/24/%d8%a6%d8%a7%d8%b2%d8%a7%d8%af%db%8c%db%8c-%da%95%d8%a7%d8%af%db%95%d8%b1%d8%a8%d8%b1%db%8e%d9%86/">ئازادیی ڕادەربرێن</a> appeared first on <a href="https://jineftin.krd">ژنەفتن</a>.</p>
]]></content:encoded>
					
		
		
			</item>
	</channel>
</rss>
