ئەوە شەو بوو پیشانی دام ئارامترین پیاسە پیاسەی ئەو شەقامانەیە ئۆتۆمبێل لێیان تۆراوە شەو بوو فێری کردم هێورترین بیرکردنەوە لە دوای نووستنی ژن و مێردەکان لە دایک دەبێت هەر شەویش بوو بۆی سەلماندم مۆسیقا لە خامۆشیی شەودا چێژبەخشترینە شەو درەنگ هاتە تەمەنمەوە لە ڕۆژدا هێند ژیابووم هێندەی کتێبخانەیەکی گشتی شت فێر ببووم لە خەڵکییەوە تەوقەکردن…

کەوتوومەتە ڕۆژێکی هەفتەوە ناوی خۆیم پێناڵێت گرنگ نییە ڕۆژی کارکردنە یاخود پشوو دواجار مرۆڤ پێویستی بە مەلەیە لە زماندا پێویستی بە ڕاکردنە پێویستی بە پشیلەیە پێویستی بە لەفەیە پێویستی بە باڵندەیە منیش پێویستم بەوەیە گوێ لە ڤیڤاڵدی بگرم کەوتوومەتە گەڕەکێکەوە ناویم بیرچۆتەوە گرنگ نییە لە باکوور یاخود باشووری شارە دواجار خۆر هەڵدێت و بێدار دەبینەوە…