جامخانە بە تۆپێکی فووتبۆڵ زرمەی لێ ھەستا،
بووکەڵەیەکی سووپەرمان دەرپەڕی.
بەسەر کێڵگەیەکی وشکدا دەفڕێت
ھەور دەگوشێت، برووسکەیەکی فڕێ دەدات و
ھیچ نابارێت.
لە خوارەوە، جووتیارێک کەوتووە.
زیندانێکی نھێنی دەدۆزێتەوە،
گوریس ھەڵدەدات
زیندانییەکان دەیکەن بە جۆلانە.
لە قاوەخانەکان…
بە ڕەحەتی قاوە دەڕژێننە دەمی پێکەنینەوە،
نەوەك بخەوێت:
دەیخواتەوە و ھێڵنج دەدات
سووپەرمان، پەتۆیەکی پێدا دەدات.
لەناو جامخانە شکاوەکە دەنیشێتەوە،
پارچەشووشەیەك ھەڵدەگرێ قۆڵی ھەڵدەکات، دەماری نییە.
