به‌م نیوه‌شه‌وه‌‌ باراناوییه بۆ بانگێڕان هاتوومه‌ته‌ سه‌ربان. جلەکانم تەواو ته‌ڕ بوون و ده‌سته‌کانیشم ته‌زیون. خه‌یاڵیشم هه‌ر ‌لای هاوژینه‌ به‌دبه‌خت و نه‌خۆشه‌که‌مه: «ده‌بێت په‌له‌ بکه‌م. زوو بانه‌که‌ بپه‌ستمه‌وه‌ و به‌ ته‌نگیه‌وه‌ بچم؛ ئه‌‌و نابێت به‌ ته‌نیا بێت.» بله‌ز بۆ خواره‌وه‌ پێ هه‌ڵدێنم و له‌گه‌ڵ ده‌ستمدا چه‌ند کۆتەره‌دارێک ده‌به‌مه‌ ژووره‌وه. به‌ره‌و سۆپا داره‌که‌ ده‌چم، که‌ که‌فته‌کار له‌…

دره‌نگانی شه‌و بوو، دالیا لای‌ ژوورسه‌ری مێرده‌كه‌یه‌وه‌ دانیشتبوو و كوڕه‌ تاقانه‌كه‌شی، كه‌ هه‌ر هه‌شت ساڵانێك ده‌بوو له‌سه‌ر كۆشی خه‌وی لێ كه‌وتبوو. بێده‌نگ و په‌رێشان ده‌ستی به ‌نێو قژه‌ كورت و نه‌رمه‌كه‌یدا ده‌هێنا، سه‌ری شۆڕ ده‌كرده‌وه‌ و ته‌وێڵی ماچ ده‌كرد. جارجاره‌ش پشته‌ده‌ستی به‌ ڕووخساره‌ بێگه‌رد و نه‌رمه‌كه‌یدا ده‌خشاند. كوڕه‌كه‌ی لەژێر په‌تووه‌ ئه‌ستووره‌كه‌دا خۆی گرمۆڵه‌ كردبوو و…

ئێواره‌یه‌كی هاوین برینێکی قووڵی لە دەروونمدا دروست کرد، وای لێ کردم بۆ هەمیشە لە گەمەی خۆشاردنەوە و شاردنەوەی ڕوخسارم بترسم، ترس لە تەنیاکەوتن و قەومانی کارەساتێك. ئێوارەیەك، کە تەمەنم هەشت ساڵانێك ده‌بوو و نه‌ده‌بوو، لەگەڵ هاوڕێ هاوته‌مه‌نه‌كانم له‌لای دارتووه‌ به‌رزه‌كه‌ی گەڕەکەکەمان چاوشارکێمان دەکرد. دارتووەکە لەبه‌ر ده‌رگه‌ی ماڵی سالارە باریكه‌ڵه‌ی هاوڕێماندا ڕووابوو، كه‌ ماڵیان به‌ ته‌نیشت…