سلڤیا پلات

لە ٢٧ی ئۆکتۆبەری ١٩٣٢ لە بۆستن، ماساچوسێتس لەدایکبووە. سلڤیا شاعیر و رۆماننووس و چیرۆکنووس بوو. لە ١١ی فێبریوەریی ١٩٦٣ خۆی کوشت. سلڤیا رەوتی شیعریی دانپێدانانی بەرەوپێشبردووە. رۆژگاری خۆی بە خەمۆکی بەسەربردووە. پێشتر چەندین هەوڵی خۆکوشتنی داوە، ساڵی ١٩٥٣ ژمارەیەکی زۆر حەب دەخوات، ساڵی ١٩٦٢ خۆی هەڵدەداتە بەردەم ئۆتۆمبێلێک. بەڵام ساڵی ١٩٦٣ لە ماڵی خۆی لە لەندەن کۆتایی بە ژیانی خۆی هێنا. کچێکی هەیە، فریدا هیوز، شاعیر و وێنەکێشە. ساڵی ١٩٨٢ خەڵاتی پولیتزەری پێ دەدرێت. یەکەم نووسەرە، دوای مردنی، ئەو خەڵاتەی پێ درابێت. ساڵی ٢٠٠٣ فیلمێک لەبارەی ژیانی بەرهەمهێنرا بەناوی Sylvia . گوینێت پاڵترۆ رۆڵی ئەو نووسەرە دەگێڕێت.